عشر رسائل لكل شاب... و عشر رسائل لكل فتاة...
نبدأ بالشاب...
أخى العزيز..إليك .. :
1.صدقنى البنت اللى ترضى تخرج معاك ، وتسهر بالليالى تكلمك على الموبايل مش هى دى اللى تنفع تربى عيالك
2.ممكن تكون منبهر بشخصية صاحبتك ، وحاسس ان فيها كل الصفات الكويسه، ونفسك تكون زوجتك فى المستقبل ، فأتقى الله فيها ، وشوف ايه اللى يرضى ربنا وأعمله ، وان شاء الله ربنا هيرضيك ، لأن ما عند الله لا ينال إلا بطاعتة .
3.متشتغلش نفسك _وانا أسف فى الكلمة_وتخلى حجة أستمرارك معاها إنك هتخطبها ، لأنك ممكن متلحقش كده وتوصل لحارة سد .
4.انا مش ضد الحب ولا الخطوبة ، يارب كل ولد وبنت بيحبوا بعض يتجوزوا ، بس فى طاعة ربنا و ليس في الحرام.
5.لو كنت لسه موصلتش لوقت الخطوبة والجواز ، فأشغل نفسك بالرياضة وحفظ القرءان والكورسات والصيام ، وأدعى ربنا يحفظك من الفتن ما ظهر منها وما بطن ، وكمان يرزقك بالزوجة و الذرية الصالحة .
6.أعرف ان صاحبتك صخرة كبيرة بينك وبين ربنا ، وربنا يستحق انك تكسر كل صخور الدنيا علشان توصل لرضاه
7.انت مخلوق للعبادة ، مش علشان تصاحب وتحب ، أما مع مراتك فجماعك لها عبادة.
8.قال الامام الشافعى رحمه الله (( عفوا تعف نسائكم)) ، وأعرف ان البنت ربنا خلقها زى ما خلقك لعبادته مش عشان تحب فيك.
9.أعرف إن زى ما البنت خانت أهلها معاك ، فمن الطبيعى انه يجى يوم وتخونك فيه ..
10.الطيبون للطيبات والخبيثون للخبيثات ، فكن من الطيبين لتنال من الطيبات.
تلك عشرة كاملة ... اللهم أهدى شباب المسلمين وأحفظهم من الفتن ما ظهر منها وما بطن.
اختى العزيزة ..اليكى... :
1.لازم تعرفى أن اضعف حاجة فيكى قلبك
فلازم تملى قلبك بحب الله ف ممكن تعملى حاجات كتيرة زى مثلا تشتركى فى جمعيات خيرية وتحفظى قران وتاخدى كورسات
2.زى ما الظروف جمعتك إنتى وصاحبك ، ممكن الظروف تجمع صاحبك بغيرك ، وساعتها هتتكسرى وتعيشى لحظات من أصعب اللحظات ، على واحد ممكن ميكنش يستاهلك أصلا.
3.أوعى تتغرى بإخلاقك أو بإخلاق صاحبك ، لإن كلنا ضعاف قدام الفتنة ، ومن أشد الفتن فتنة النساء
4.خدى بالك إنك بصحوبيتك لولد ، أنا أسف والله فى الكلمة ، بتبقى عند كتير من الشباب كارت محروق .
5.لو كنتى فى علاقة ، فحاولى تنهيها الليلة ، وأدعى ربنا على إنه يعينك على نفسك ، وثقى تماما إن ربنا هيكرمك بيه فى بيت سعيد ، لو كان خير ليكى ، أو يكرمك باللى أحسن منه لو كان شر ليكى ، والله يعلم وانتم لا تعلمون
6.لو كنتى مش مصاحبه ، والشيطان واصحابك بيوزوكى ، فأثبتى ، ووالله ربنا هيكرمك بالانسان اللى يعوضلك كل لحظة صعبه عيشتيها ، ومتتغرريش بكترة الغلط ، وكونى من القلة الصالحين ، ومتسمعيش كلام ناس وأسمعى كلام رب الناس...((وإن تتبع أكثر من فى الارض يضلوك))
7.أنا عارف ان الشعور بوجود راجل فى حياتك تستأنسى بيه ، وتفضفضى معاه شعور حلو ، زى ما السرقة حلوة والمخدرات حلوة والزنه حلوة.
لأن حلاوة الحاجات دى امتحانات من ربنا.
وصدقينى لو دعيتى ربنا بإخلاص إنه يزين فى قلبك حلاوة الايمان ، هتكرهى كل حاجة كنتى فاكراها حلوة .
8.لو كنتى مصاحبة وتوبتى الى الله ، فهنيئا ان شاء الله تبديل سيئاتك حسنات ، وأصبرى لحد ما ربنا يشوف صدقك ، ويعوضك خير ، لأن من ترك شيئا لله عوضه الله خيرا منه
9.-الحياء ثم الحياء ثم الحياء هوا بجد زينة المراة الحقيقية مش لبسها اللى او شكلها اللى بيعبر عن جمالها الروحى والاخلاقى والدينى ، وكونى كالملاك صعب المنال
الكل نفسه يكسبه ، مش عشان لبسه وشكلة ، لأ علشان دينه وأخلاقة ، حتى تكتسبى احترام الجميع ورضا رب العالمين
والشاب مننا ممكن يلف بلاد علشان يوصل لذات الدين.
ومتكونيش شيطان ، بتبعدى نفسك وغيرك عن ربنا.
10.إنتى كائن ضعيف ، مش عشان انك بنت ، لأ علشان إنك إنسانه ، ((وخلق الانسان ضعيفا ))، فأستمدى قوتك من القوى ، ألا وهو الله
يارب تحسى بكل كلمة من دول ، لأنى بأكتب وقلبى حزين على اللى احنا وصلناله من فساد وضياع ، إنتى غالية أوى بس لو حفظتى على نفسك .
ورخيصة أوى لو رخصتى نفسك ، بالله عليكى قولى... يارب ، والله احنا محتاجين أوى للمرأة الصالحة ، انتى ممكن ترفعينا لفوق وممكن تنزلينا.
بصلاحك صلاح جيل ، وفسادك فساد أمة.
يارب كل الشباب والبنات يحسوا بالكلام ويعملوا بييه لأن افكار التحرر والاستعمار الفكرى والثقافى أصبحت تطاردنا كالاشباح
وأخير أشكر من رسلها إلي الأخ الحبيب من مصر الشقيقة بارك الله فيه
